" لحد امتى " يا رب يعجبكم

لحد أمتى هتفضل عقولنا زى الحجر !
لحد أمتى السلبية هتفضل قدر !
لحد أمتى هنفضل عايشين ومش فاهمين !
لحد أمتى هنفضل كده ساكتين !
لحد أمتى هتبقى الحقيقة واضحة .. و أحنا مغمضين !
لحد أمتى الظلم يكبر و يكبر .. وتبكى العين !
و تبقى الايدين نفسها تمحيه .. بس متكتفين !
و لسانا يجى يتكلم نقوله أخرص .. دول سامعين
اللهم أجعل كلامنا خفيف عليهم و أحمينا من الشياطين
الكلام ده فات أوانه دلوقتى لازم نكون صاحيين
لازم نكون يقظة وما تسرقنا سكين
الظلم لازم يتمحى .. و يبدأ زمن صلاح الدين
الحق والعدل شعاره .. و الكل رافعه ومش خايفين
دى الشمس نفسها تشرق .. ويشرق معاها شعار الدين