Enas Helmy
المساهمات : 65 تاريخ التسجيل : 18/09/2008 العمر : 33
| موضوع: شعرك حــرير الجمعة نوفمبر 28, 2008 6:08 pm | |
| شعرك حرير ... معانا
الموج الكتير , والشعر الحرير , ع الخدود يهفهف , ويرجع يطير .. طبعا عبد الحليم كان بيغني لمريم فخر الدين في الفيلم وانتي قاعده مخنوقة مش طايقه لامنظر ولا ريحة شعرك بس دلوقتي شعرك هيجنن .
بالنسبه للشعر المقصف لازم تدوري معايا علي الأسباب اللي بتقصف شعرك .. يعني مثلا ممكن تكوني بتقعدي جنب المروحه وبتسحب منك من غير ماتحسي أو ان العيال بيلعبوا في شعرك وانتي نايمه أو حاجه زي كده ولو كل ده مش هو السبب وبنظرة بسيطة في الكتاب الشهير "الوصفة الجهنمية لدماغ المرأه المصرية" نجد في الصفحه 95 ونص ان العلاج انك تلمي كل الشعر اللي بيتقصف منك وتبدئي فورا في اعادة لزقه بنوع من الصمغ القوي المستخدم في عملية اصلاح الأحذية الرياضية وذلك مع وضع الدماغ يوميا في مكان جاف للحفاظ علي الصمغ والشعر الذي لم يتقصف بعد بعد ان تنقعيه يوميا في الميه أو علي الأقل تديه رشه كل خمس دقايق زي نباتات الضل
والمشكله التانيه هي للشعر الناشف فيجب فيه أن تبحثي عن سبب النشفان ده , قد يكون من قلة الغسيل وان مكانش يبقي تنقعي دماغك كلها في زيت من النوع التقيل , ويفضل زيت العربيات أو علي الأقل زيت التموين واذا لم تظهر نتائج ايجابية لهذه الطريقة في العام الأول فلابد من تسخين الزيت أثناء النقع وأكيد ان شاء الله ان شاء الله هيجيب نتيجه
أما بالنسبه للمشكلة التالتة والمتمثلة في نوع المسحوق اللي بتستخدميه في شعرك فحاولي تغيره وأغسلي شعرك بمسحوق أوتوماتيك واذا كان مصبوغا فيفضل غسله بمسحوق للألوان لأنه بيخليه مزهزه مع مراعاة نشره في جو من البهجة والسعادة العائلية واذا لم تتحسن حالة الشعر خلال السبعة شهور الأولي باستخدام الطريقه دي يبقي لازم مكواة رجل وتكون سخنة مع وضع كمية من معجون الأسنان عليه بعد المكوة وفي حالة أي أخطاء يستبدل بمرهم حرق واذا كنتي بتخافي من المكواة فبنظرة في الكتاب الشهير "الوصفة الجهنمية لدماغ المراه المصرية" تجدين صفحة 35743 أنه يمكن استبدال المكواة بوضع الشعر تحت جسم صلب تقيل لمدة لاتقل عن شهرين حتي يتفرد ويبقي تمام
أما بالنسبه لمشكلة ان اللون بهتان فيمكنك اضافة بعض الكرفس والخردل وخشب الصندل والشبشب اثناء غسل الشعر وغسل الشعر عدة مرات وذلك بيتبع أيضا مع الشعر المنعكش
ولو شعرك بيقع ده معناه انه مش ماسك في دماغك .. بسيطه امسكيه انتي ! | |
|