زي ماحنا عارفين ان الرياضه مهمه جدا علشان الواحد صحته تكون كويسه سواء كان ولد او بنت....شاب او عجوز
المهم تكون الرياضه مناسبه لجسم اللي بيعملها
كتير منكوا هايقولي ان مافيش وقت هارد عليه بأن الرياضه مش لازم تبقى في نادي وليها يومين في الاسبوع والكلام ده
انا بقول ان ممكن اي حد اول مايصحى من النوم يشرب كبيتين مياه ويلعب سويدي في الغرفه اللي هوه بينام فيها
والسويدي ده هايكون زي (جري في المكان-شويه تمارين بطن-شويه ضغط لو كان بيعرف)حاجات كلها سهله ومفيده
اخر حاجه المهم في الموضوع انه يكون مشغل مروحه او اي حاجه تجيب هواء علشان جسمه مايفقدش سوائل اكتر من
اللازم ياريت تحاولوا تعملوا الكلام ده واحده واحده لغايه ماتخدوا عليه من نفسكوا وشوفوا ايه النتيجه اكيد هاتكون
ايجابيه ++ان شاء الله وياريت كل واحد يشوف الموضوع يبدأ عالطول لان شغل دلوقتي ماينفعش يستنى لبكره
كان معاكوا صاحبكوا (محمد عماد) عضو النشاط الرياضي بأسره الحياه
اشوفكوا المره الجايه وياريت اشوف ردود بتقول ان التمارين دي عملت نتيجه
والسلام عليكم[b]
الجمعة نوفمبر 14, 2008 7:42 am
