السلام عليكم ورحمة الله
أزيكوا يا شباب ؟
عجبني اوي انكوا عايزين تعملوا نشاطات خيرية الى جانب اهتمام الاسرة بالنشاط التعليمي والنشاط الترفيهي
الفكرة ازاي نعمل نشاط خيري
نها اقترحت نعلم الاطفال الكمبيوتر ودي فكرة حلوة بس ناقصا كتير من التنظيم والتعديل علشان تطلع ع الوجه الاكمل
اللى عايزة اقوله ان الشغل الجماعي بيولد روح الحماس والاصرار على اكمال العمل
سواء باه كان خيري او غيره
الاعمال الخيرية دي بتتطلب resourses
او من الاخر فلوس او تبرعات علشان نقوم الاعمال دي
اللى هي زي ايه بقى
زي (زيارات لدور ايتام او دور مسنين او تجميع ملابس علشان المحتاجين او المشاركة في الحفلات الخيرية زي يوم اليتيم مثلا او ...)
الاعمال دي علشان تعملها اسرة في كلية اعتقد تكون صعبة لان الاسر اصلا مش بيبقالها مقر يتناقش فيه الاعمال والخطط واللذى منه
لكن في جمعيات اصلا انشئت للغرض ده اسمها الجمعيات الخيرية بتعرف تنظم العملية , تعرف مين المحتاجين في منطقة معينة
من الاخر تقدر توجه طاقتك دي لعمل معين تطلع منه بنتيجة جميلة ان شاء الله
يبقى ممكن انتوا كاسرة تجمعوا بعض علشان تشتركوا في احد الاعمال الخيرية التابعة لجمعية معينة
و تعتبروا نفسكوا جماعة واحدة الفرد فيها شغال مع الكل على عمل واحد
من هنا تيجي روح الجماعة والحب علشان تنهوا العمل ده
دي كانت فكرتي ليكوا في العمل الخيري
يارب مكونش طولت عليكوا
ربنا يعينكوا و يوفقوا
السلام عليكم
الخميس نوفمبر 06, 2008 11:25 am