حدد هدفك فى الحياة ومع الحياة

المساهمات : 21 تاريخ التسجيل : 30/10/2008 العمر : 33

بسم الله الرحمن الرحيم

إزيكم ياشباب ويابنات حاسبات الحمدلله تمام انا عارف المهم انا هكامكو النهارده عن تحديد الهدف فى الحياة
اول شئ لتحديد الهدف إسال نفسك " لماذا خلقت؟؟؟؟؟" هتقول طبعا علشان نعبد الله عز وجل نعم حاضر وبعدين هكبر وهدخل المدرسة ليـــــــــــــــه ؟؟؟؟ ...... علشان أطلع دكتور وكلا منا له هدفه وبعدين ايه ...... هكبر وهجوز وبعدين ....... هموت
صح .... هو ده هدف أغلب الناس ودى هى سنة الحياة لا ..... اننا لنستتر أسفل هذه التقاليد خوفا من مواجهة الواقع الاليم
ا أيوه كلنا بنخاف نواجه الواقع علشان أليم ولهذا فلابد من وقفة مع أذهاننا ونسأل أنا هدفى أيه ...

1/ رفعة الاسلام
وده مش بكتر الصلاة ولا بكثرة الصيام أنا لا أقول متصمش ولا تصلى ولكن صلى وصوم ....فقط هناك واجبات لابد من رفعة الاسلام
الا لاحظت معى ماهو حال الاسلام الان كم من دولة أحتلت أرضها ؟؟؟؟ وكم من أطفال يتمت ؟؟؟؟؟ وكم من نساء رملت؟؟؟
أمس فلسطين والعراق وغدا مصر فماذا تنتظر ؟؟؟؟ هتقولى أعمل ايه يعنى أخد رشاش وأروح أحارب !!!!! لا ليس هذا ما أقصد
ولكن ما أقصده هو أن يكون كل إنسان موضوع فى مكانه الصحيح
وأحنا مجالنا الكمبيوتر هتقولى اعمل ايه أعملهم رنامج مبيد حشرى علشان يموتوا لا
ليس ذلك ولكن تفوقك فى مجالك هو ده نصرة الاسلام والعرب ايوة كده بدأنا الطريق حدد هدفك
انت عاوز تكون ايه انت بقالك 18 سنه تقدر تقولى انت عملت ايه لبلدك ؟؟؟ عملت ايه لدينك ؟؟؟؟ فكر انت عملت حاجة تخلد
فى هذا الزمن ؟؟؟ وان عملت !!! هل سينتفع بها الناس ولا لأ ؟؟؟؟
لابد من وقفة مع النفس
تقدر تقولى انت بتعمل ايه من أول مابتصحى من النوم؟؟؟

1/ أتوضأ وأصلى أذهب الى الكلية
ده لو انت كنت بتصلى أصلا
2/ وصلت الكلية
خلاص بقى أنا مع أصحابى بلا حاضرات بلا وجع دماغ مش ده هو اللى بيحصل
ونتمشى فى الكلية بقى وان جه أحد يقولك تعالى محاضرة د/ فلان .....
ياعم ده مع نفسه كده دنا بنام فى المحاضرة بتاعته والعيب مش منه العيب منك لانك بتدخل مش حابب الدكتور ده لو دخلت

المهم خلصت يومكك باللعب والضحك وخدتلك محاضرة
3/ روحت ووصلت البيت
تتغدى مية مية وبعدين تنام تصحى المغرب كده أفتح بقى ياعم النت وبعدين
تسهر سهرة حلوة وتصحى تانى يوم عينك مش عارف تفتحها من السهر صح
هل هذا الشاب هو اللى هينصر دينه ؟؟؟؟؟
هو ده اللى هيرفع بلده ؟؟؟؟

انا هنصحك نصيحة واحده كل متعمل حاجة قول لنفسك ليه ؟؟؟؟ ليه ؟؟؟؟
كده هتكون ماشى علشان تحقق هدفك

وللحديث بقية ....
و اسف للاطالة عليكم

المساهمات : 1 تاريخ التسجيل : 30/10/2008

[size=24]ربنا يخليك لنا ومايحرمنش من مواضيعك الحلوة[/size]

المساهمات : 16 تاريخ التسجيل : 31/10/2008 العمر : 34

شكرا يا بوبا على الموضوع الهايل ده ومنتظرين منك المزيد
وانا ان شاء الله هاحاول قريب انزل محاضرة للدكتور ابراهيم الفقى بتتكلم عن تحديد الهدف

المساهمات : 9 تاريخ التسجيل : 11/10/2008 العمر : 33

الف شكر يا بشمهندس على الموضوع الجميل دة

وعايزين مواضيع من دي كتير

موضوع: قصة هدف الإثنين ديسمبر 22, 2008 10:03 pm

اولا احب اهنيك يا شهبوب على التوبيك الحلو بتاعك

و احب احكى قصتى او مختصر بسيط منها عشان ما تزهقوش كتوضيح لفكرة التوبيك

انا من و انا فى الابتدائى و من اول ما عرفت الكمبيوتر و اتعاملت معاه و انا تقريبا فى تالتة ابتدائى حبيته و بقيت احب اعرف كل حاجة فيه

و من ساعتها و انا هدفى انى اعمل اكبر شركة كمبيوتر فى العالم - ان شاء الله -

و انا الحمد لله طول عمرى من المتفوقين على مركز ميت غمر عندنا

فشاءت الاقدار ان نتيجة الثانوية تطلع 98.6 % و ده كان مجموع كلية بترول بالظبط سنتها (2006) طبعا اهلى ما سابونيش فى حالى

و الاجازة اللى قضيناها ( لاول مرة فى الساحل الشمالى ) كانت كلها نكد فى نكد

انا اقولهم مش داخل غير حاسبات و هما يقولولى خسارة المجموع و هتخش بترول لو جبتها ( ما كانش التنسيق لسه ظهر )
المهم الاجازة عدت على الموال ده و فضلنا كده نتخانق لغاية اخر يوم فى معاد تسليم الورق بتاع التنسيق

يوميها بالليل كنت عند استاذى المفضلل و قدوتى و بكلمه فى الموضوع ده
قالى كلمة و من ساعتها انا ندمان انى ما سمعتش كلامه

قالى ( لو انت دخلت الحاجة اللى هما عاوزينها هتفرحهم دلوقتى بسم هتزعلهم بقية عمرك و لو دخلت الحاجة اللى انت عاوزها و بتحبها هتزعلهم دلوقتى و تفرحهم بقية عمرك )

المهم رجعت البيت لقيت المفاجأة ان ابويا كتب الرغبات بنفسه خلاص و ما فيش مفر

سلمت امرى لله و اقنعونى انى اكمل فى بترول و اخد كورسات كمبيوتر زى ما انا عاوز قلت ماشى

لما رحت حاولت بكل جهدى انى احب الكلية ما عرفتش مش عشان انا داخل كارهها لا و الله
عشان كل اللى دخلوها بيشتموا فيها و اسالوا بنفسكوا

و انا ممكن انزل توبيك كامل هنا فى المنتدى عنها لو حبيتم بس انتو اطلبوا عشان لو فيها مخالفة للقوانين و لا حاجة

المهم قعدت هناك اعدادى بمرها ( ما فيش حلوها ) و فوجئت بالنتيجة طالعة انى جايب مقبول يوميها انا من كتر الصدمة خدت الموضوع عادى

طبعا هما فقدوا فيا الامل عشان بترول دى اقسام زى هندسة كده و بالتقديرات فالقسم اللى عليه العين اللى هو بيخرج مهندسين بترول بياخد من امتياز

كملت الترم الاولانى فى اولى و بعدين كانت القشة التى قصمت ظهر البعير

زهقت من عيشتى و من المواد اللى مش فاهم فيها حاجة لانى ما ليش فيها اساسا

مالى انا بالمواسير و المسامير و الصواميل و القرف ده كله

الحاجة الوحيدة اللى انا ركبتها فى حياتى الكمبيوتر و الحاجات اللى فيه من جوة و لعبة الميكانو لو حد فيكم يعرفها

المهم جيت بعد الترم الاول و قعدت فى البيت و قلتلهم بصوا , تيجوا يمين تيجوا شمال انا مش راجع هناك تانى

و اللى يحصل يحصل

مسكونى بقى : ( هو انت فاكر نفسك بيل جيتس ؟) ( بيل جيتس ده عمل حاجة كده و مش هتتكرر تانى خلاص ) ( يا ابنى انت فى مصر عارف انت لو كنت فى بلد تانية ؟ كنا وافقناك ) و كلام من اللى انتو عارفينه ده

المهم الموضوع بعد تعب و شقاء و بهدلة استقريت انى حولت السنة دى حاسبات المنصورة و اللى اكتشفت و الله انها احسن من بترول بمليوووووووووووووووووووون مرة من غير اى مبالغة

و انا ان شاء الله هنزل توبيك مقارنة بينهم عشان انا بتضايق كل ما اشوف حد بيشتم فى الكلية او بيقول ده فيها كذا و كذا لان بجد انتو فى نعمة ما انتوش عارفينها

و الله حاسبات المنصورة دى جنة

خلاصة الموضوع انك لما تسال اى مصرى عن هدفه فى الحياة يقولك حاجة من الاتى :
- اتجوز و اخلف
- اجيب وظيفة بمرتب كويس
- انجح فى الكلية و اعمل ماجستير و دكتوراه

بس؟

هى دى الاهداف ؟

ما هو عشان كده هنفضل طول عمرنا كده

يعنى ايه واحد عايش عمره كله عشان يتجوز و يخلف و خلاص ؟

يعنى ايه واحد عايش عمره عشان يعمل دكتوراه ؟

طب و بعد ما يعملها ؟

فين الاهداف الكبيرة ؟

انا ان شاء الله زى ما قلتلكو هدفى انى اعمل اكبر شركة كمبيوتر فى العالم و ان شاء الله و بعون الله هحققه

و انا صليت استخارة كذا مرة و ربنا ورانى مليون دليل انه هيساعدنى عشان احققه بس انا اعمل اللى عليا

هاه ايه رايكو فى القصة دى يا شباب

غيرتوا نظرتكوا لمعنى كلمة هدف و لا لسه ؟

يلا يا جماعة ده اغنى خمسين واحد فى العالم معظمهم بتوع شركات كمبيوتر و اتصالات ما فيهمش و لا واحد بترول

انتو فين من الناس دى

انتو عارفين ان الطفل المصرى بيتولد اذكى طفل فى العالم ؟

و السلام عليكم و رحمة الله و بركاته