واحنا مالنا ؟؟

المساهمات : 28 تاريخ التسجيل : 16/09/2008 العمر : 33

السلام عليكم ورحمة الله وبركاته
بما ان مفيش حد فتح موضوع جاد وهادف نتكلم فيه ... فاسمحولى ابدأ انا بموضوع مهم جداا من وجهة نظرى واعتقد انه مهم من وجهة نظركوا بردو ..
الخوف ... انا مش فاهمه ليه كل الناس بقت بتخاف من اى وكل حاجه بيشوفوا سلبيات كتييير بتحصل ادام عنيهم ومع ذلك محدش بيتكلم ليه واحنا مالنا هو احنا اللى هانصلح خلينا فى الضل احسن وهى دى المشكله .. كل واحد فاكر انه لو حاول يصلح السلبيات اللى بيشوفها بيقى هو كدا حط نفسه فى دايرة الخطر بس دا ماينفعش هو دا اللى جايبنا ورا ، ما هو اصل كل ما واحد يشوف حاجه غلط ، ويضايق ويبقى مش طايق نفسه ، ويقعد بقى يقول ازاى الناس ساكته على المهزله والكلام الفارغ دا وناسى انه هو اول واحد ساكت عن المهزله اللى مش عجباه دى ، طيب مايتكلم هو الاول وبعدين الناس تتكلم ، ولا ايه يا شباب انا نفسى حصل معايا موقف ، شفت جريمه بتحصل ادامى وكنت عايزه ابلغ ، وايه النتيجه ؟؟ الاقى والدى بيقولى هاتبلغى عن ايه مفيش دليل والاقى والدتى تقولى الناس دى مش لواحدها وراها ناس اكبر واحنا اللى هانروح فى داهيه وبعدين .. ايه اللى حصل ؟؟ محدش بلغ والناس اللى بتعمل الجريمه واخده راحتها على الاخر وشغالين ولا اكن فى حاجه .. شوفتوا المصيبه ياجماعه لو كل واحد بدأ بنفسه والله والله والله كل مشاكلنا هاتتحل ، لازم نعرف ان الساكت عن الحق شطان اخرس ، وان ربنا هايسألنا يوم القيامه عن السلبيات اللى شوفناها ومتكلمناش مع انه كان فى ايدينا نحلها وننقذ نفسنا من سؤال يوم القيامه ، مش لازم نسكت يا جماعه ، هما مش بيقولوا السكوت علامة الرضا يعنى دا معناه انكوا راضيين عن اللى بيحصل ادامكوا ، ومبسوطين طالما راضيين
انا كل هدفى من الموضوع دا ان الناس تنسى كلمة (واحنا مالنا هو احنا اللى هانصلح ) انا باعتبر الكلمه دى من اغبى الكلمات اللى عرفتها البشريه ، لما مش احنا اللى هانصلح .. امال مين اللى هايصلح ؟؟ انا كلامى دا بقوله بصفه عامه ، عن كل حاجه ، حتى عن المعاكسات الى كترت ، وبتبقى كل الناس واقفه تتفرج ، وعن كل حاجه ممكن تتصوروها ، عايزه الناس تتكلم وتدافع عن الحق ... بس هودا اللى انا عايزاه .. كتير انا متأكده من ان فى ناس موافقه على كلامى وانا مستنيه اشوف ردكم الايجابى

المساهمات : 81 تاريخ التسجيل : 16/09/2008 العمر : 35

صح يا نورهان والله عندك حق بعدين احنا ناسين حديث جميل عن النبي المصطفى صلى الله عليه وسلم ( من رئى منكم منكرا فليغيره بيده فان لم يستطع بلسانه فان لم يستطع بقلبه وذلك اضعف الايمان ) يعني الحمدلله ضعف الايمان واضح من حاجة بسيطة زي دي
كل واحد يقلك هو انا الي هغير الكون كل واحد حر لو شوفتي مثلا مجموعة مش بتصلي وجيتي تدعيهم للصلاة لالا ايه يا بنتي ده ليحسبوكي اخوان تيجي نتكلم عن وطنا لا لا واحنا مالنا بالسياسة سيبيها لاهلها نيجي نتكلم عن مشكلة زي اولاد الشوارع او المتسولين يا بنتي سيبك دول على قلبهم قد كده وزي مقلتي يا نهى كله بيخاف من كله مفيش حد بقى عنده الجرأة يقول كلمة الحق وكأنها عار مش عارفة امتى الناس تقدر تخرج من القوقعة دي وتتكلم ونشيل كلمة انا مالي دي قبل متخرب اكتر من كده
ميرسي يا جميل على الموضوع الجميل ده

المساهمات : 11 تاريخ التسجيل : 16/09/2008 العمر : 34

بسم الله الرحمن الرحيم

بعد السلام والتحية

اقتباس :

بما ان مفيش حد فتح موضوع جاد وهادف نتكلم فيه ... فاسمحولى ابدأ انا بموضوع مهم جداا من وجهة نظرى واعتقد انه مهم من وجهة نظركوا بردو .. Exclamation Exclamation
الخوف

واحنا يشرفنا يا نورهان انتك تبدائ بفتح موضوع جاد وهادف زى موضوع الخوق ده لانه بجد موضوع مهم وحيوى وبما ان الكلام فى الموضوع كتير جدا فانا هقصر جدا.

واقول

هل تنصر المظلوم أو تقف صامتاً ..؟

ساقف معه واؤيده وفى حاجة مهمة جدا لازم هو اصلا مش ينتازل عن حقه مهما كانت المغيرات او التهديدات.

واخر كلامى يا رب ثبتنا على الحق والايمان
والسلاااام ختاام

المساهمات : 16 تاريخ التسجيل : 31/10/2008 العمر : 34

فعلا موضوع مهم جدا
مشكورة يا باشمهندسة نورهان على مشاركتك الفعالة وحبيت اضيف بس
الساكت عن الحق...شيطان اخرس