لبنات فى تفكريهم فى الجواز واختيارهم لشريك حياتهم بيكونوا انواع وكل نوع بيختلف عن الثانى فى طريقة التفكير وشروطهم فى أختيارهم لشريك حياتهم
مثلا النوع الاول
هو أكثر الانواع المتعبه وعادة بيتأخروا فى الجواز وغالباْ بيجيبوا لأهاليهم الضغط فى الآخر .( عن تجربة) والنوع ده بقى هو النوع إللى ما بيكونشى عايز يجوز وخلاص . لأ بيدور على شخصيه معينه فى دماغه وبيتمسك بيها وأبداْ ما يقدرشى يوافق على أى حد مهما كان ومهما كانت الضغوط طالما مش فيه صفات الشخصيه دى
ودايماْ تقولك بعد ما ترفض أى عريس أتقدملها ما كنشى فى توافق بينا
تلاقى الاهل يقعدوا يحاولوا معاها وهى أبداْ
تصمم وبشده وتردد نفس الكلمه مافيش توافق بينا فى الشخصيه
والنوع ده غالبا بيحكم العقل اكثر فى اختياره عن القلب
النوع الثانى بقى
:
هو النوع الرومانسى واللى ساعات بيوصل لمرحلة الخيالى وهى البنت اللى بتكون عايزه تجوز عن حب ولازم قلبها يدق قبل ما توافق على انها ترتبط وبترفض مبدأ الجواز التقليدى مهما كان وبترفع شعار الحب أولاْ قبل كل شئ
وبترفض وبشده مسلسل الحب وأشياء أخرى
وبتعشق اغانى عبد الحليم وأى أغنيه رومانسيه
وفيلمها المفضل
حبيبى دائماْ
النوع ده بقى فى منه فعلا بيجوز عن حب وفى بيحاول يقنع نفسه فى الآخر انه اجوز عن حب يعنى اتقدملها شخص مناسب وكويس وهى بقالها كام سنه مستنيه الفارس الهمام أبو حصان أبيض بس تقريبا تاه فى الطريق وبتزهق من الأنتظار فمش بتلاقى ادامها غير عريس الغفله إللى اتقدملها
فتقولك قلبى ارتاحله وتحبه بقى وخلاص
النوع الثالث بقى
:
هو النوع إللى بيحدد حاجات معينه بتكون ليها الأوليه فى أختياره يعنى مثلاْ
تكون البنت عايزه تجوز واحد غنى وخلاص مش مهم بقى اى حاجه ثانيه
او واحد مركز معين دكتور مهندس قاضى ضابط
او مثلا يكون شكله امور وجذاب
والنوع ده ما بيغلبشى كثير فى منها اللى بيلاقى اللى هى عايزاه وفى منها بيزهق ويستسلم فى الاخر وتتنازل شويه عن المستوى الى هى عايزاه يعنى مثلا
لو كانت عايزه واحد غنى قوى عنده عربيه آخر موديل وشقه تمليك وكام ميت الف فى البنك تلاقى الطلبات قلت شويه
المهم يكون عنده عربيه والسلام بعد شويه مش مهم الشقه تكون تمليك
ولو استنت اكثر تنازل عن الفلوس اللى فى البنك
النوع الرابع
:
هو أكثر الانواع اللى بتجوز بسرعه وبتريح وبتستريح
وهى البنت اللى بتكون عايزه تجوز وخلاص ومؤمنه بمقولة
هى جوازه والسلام
بيجيى العريس الاهل بيكونوا موافقين عليه تقول هى إللى تشوفوه
ويتم الموضوع
انت بقى يا ترى من انهى نوع فيهم.......؟