" لحد أمتى " .. يا رب يعجبكم

لحد أمتى !


لحد أمتى هتفضل عقولنا زى الحجر !
لحد أمتى السلبية هتفضل قدر !
لحد أمتى هنفضل عايشين ومش فاهمين !
لحد أمتى هنفضل كده ساكتين !
لحد أمتى هتبقى الحقيقة واضحة ..واحنا مغمضين !
لحد أمتى الظلم يكبر و يكبر ..وتبكى العين !
و تبقى الايدين نفسها تمحيه ..بس متكتفين
ولسانا يجى يتكلم نقوله اخرص.. دول سامعيين
اللهم اجعل كلامنا خفيف عليهم.. و احمينا من الشياطين
الكلام ده فات اوانه دلوقتى لازم نكون صاحين
لازم نكون يقظة و ما تسرقنا سكين
الظلم لازم يتمحى ويبدأ زمن صلاح الدين
الحق و العدل شعاره .. و الكل رافعه و مش خايفين
دى الشمس نفسها تشرق .. و يشرق معاها شعار الدين