بسم الله الرحمن الرحيم
اول حاجة : احب ارحب بيكم ف منتدانا ويارب المنتدى يفيدكم ف اللى انتوا تحتاجوه
منتدانا هوة يالا بينا نذاكر مع بعض المنتدى هيبقى عبارة عن نصائح للمذكرة ازاى نذاكر المواد اللى عندنا واللى مش فاهم اى حاجة ف اى مادة يقولها وان شاء الله هنرد عليه وكل ما يتعلق بدراستنا ف الفصل الدراسى الاول ف كلية حاسبات
وانا اول واحدة هبدا
انا هتكلم عاى ال 3 محاضرات اللى اخدناهم ف الاسبوع الماضى (اول اسبوع ف الدراسة)
1-Architecture:هية مادة بنكمل فيها مادة اللوجيك بتاع السنة اللى فاتت اللى احنا اخدناه هوة السلايدز بتاع شابتر واحد ف المادة
2-operating system: معظم الناس مش حضرت المحاضرة دى المحاضرة دى برده عبارة عن السلايدز بتاع المادة ومش كان فيها شرح كتير لان المادة معظمها كلام مش فهم
3-linear algebra:المحاضرة دى كانت محاضرة سهلة جداااااااااا ومعظمها كلام احنا عرفينه وعموما المحاضرة دى انا هنزلها من منتدى الكلية لمنتدانا هنا
هاجى بقى ف الحاجة المهمة اوى
وهوة اننا عندنا 5 مواد هنشوف ازاى هنذاكرهم وازاى هنقدر نساعدكم فيها هنا
1-operating system: المادة دى مادة دكتور محمد ابو السعود وكلنا عارفين ان مواد دكتور محمد لازم نركز فيها على المحاضرة يعنى السلايدز يعنى المفروض ف المادة دى هنذاكر السلايدز والى مش فاهم حاجة فيها يدخل يكتبها وان شاء الله نرد عليكم
2_architecture: برده المادة دى ما دة دكتور ابو السعود يعنى هكرر نفس الكلام
3_ linear algebra:المادة دى مادة دكتور سيد فؤاد يعنى المحاضرة ثم المحاضرة ثم المحاضرة ف المادة دى هنذاكر الماحاضرة اللى كتبناها ورا دكتور سيد وهنبدا نتاقش ف اى حاجة محدش فاهمها
4-data structure:دى مادة دكتورة عزيزة عاصم وبصراحة انا مش عارفة ايه نظام المادة بس انا من رايى نبدا من الاول كدة كل شابتر نخده حد يلخصه وينزله عشان مش نتعب ف الاخر
واللى مش فاهم حاجة ف المحاضرات يكتبها وان شاء الله هنرد عليه
5-web design:ودى مادة دكتورة اميمة نمير والمادة عرفت انها مادة جميلة اوى وسهلة اوى وان شاء اله هنذاكرها اول باول
هنيجى لنقطة تانية وهية الاسئلة ان شاء الله احنا نحاول نحل الاسئلة اللى عندنا (كتاب ,شيت) والللى مش عارف حل مسئلة او حاجة ندخل نكتبها على المنتدى وحتى لو مش عرفنا نرد عليها هنسال الدكاترة او المعيدين وهنرد عليكم
ان شاء الله الحياة هتبقى سهلة والمذاكرة هتبقى اسهل بس لو تعاونا مع بعض وبقينا ايد واحدة
انا ف انتظار استفساراتكم